Xalq artisti təyyarədə "Qarabağ" mahnısını oxudu - VİDEO

Xalq artisti Mənsum İbrahimovun son paylaşımı izləyicilər arasında böyük maraq doğurub.

Xanəndə Özbəkistanın paytaxtı Daşkənddən Bakıya qayıdarkən təyyarədə çəkilən videonu sosial şəbəkədə izləyiciləri ilə bölüşüb.

Görüntülərdə sənətçi həmkarları ilə birlikdə "Qarabağ" mahnısını ifa edir. Bu anları nağarada Xalq artisti Natiq Şirinov müşayiət edib. Sözügedən kadrlar, sənətçilərin Daşkənddə keçirilən Azərbaycan Mədəniyyəti Günlərindən qayıdarkən lentə alınıb.

Bu video sənətsevərlər tərəfindən böyük rəğbətlə qarşılanıb və sosial mediada geniş şəkildə paylaşılıb.