Yalnız bu şəkildə özümüzü və yaxınlarımızı koronavirusdan qoruya bilərik

Koronavirus onu dayandırmağı bacarana qədər həyatımızda olmağa davam edəcəkdir. Bunu başa düşməliyik.

BAKU.WS Trend-ə istinadla xəbər verir ki, bunu Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı deyib.

Onun sözlərinə görə, qarşımızda çox uzun bir yol var:

"Xoşumuza gəlməyən, öyrəşmədiyimiz, bizim üçün çətin olacaq işləri görmək məcburiyyətində olacağımız aylar var. Başqa bir qısa yolu yoxdur.

Hər kəs fiziki məsafəni qoruyub saxlasın, əllərini yusun, maska ​​taxsın. Tibb işçiləri, test edin, özünüzü təcrid edin, təmaslarınıza diqqət edin. Yalnız bu şəkildə özümüzü və yaxınlarımızı qoruya bilərik".