Yağış suları vətəndaşa məxsus evi yudu - FOTO

Bir neçə gün öncə Gəncə şəhərinə yağan yağışlar şəhərin ən iri yaşayış massivlərindən olan Məhsəti qəsəbəsində bəzi fəsadlar törədib.

BAKU.WS-in bölgə müxbirinin verdiyi məlumata əsasən, qəsəbənin Məhəmməd Abdullayev adlanan küçəsində yağış suları daha ciddi problemlərə yol açıb.

Aynurə Novruzovaya məxsus tikilinin bir hissəsini yağış suları uçurub. Məhsəti qəsəbəsində çirkab suların axıdılması sistemi olmadığı üçün yağışlı havalarda sözügedən yaşayış massivində bu tip çətinliklər yaşanır.

Qəsəbənin küçələrində iri gölməçələr yaranır, sakinlərin hərəkəti çətinləşir.

Qalereya