Xose Bernardo reabilitasiya mərkəzində: Gənc yaşlarından narkotik aludəçisi imiş

Keçmiş teleaparıcı Xose Bernardo narkomaniyadan qurtulmaq üçün reabilitasiya mərkəzlərinin birində müalicə alır.

BAKU.WS Oxu.Az-a istinadən xəbər verir ki, bu barədə mərkəzdən bildirilib.

Bildirilib ki, Xose Bernardo üç gün öncə narkomaniyadan müalicə olunmaq üçün mərkəzə müraciət edib:

"Onun çox sayda dostunu biz müalicə etmişik. Öz istəyi ilə bizə müraciət edib, sağalmaq istədiyini deyib. Xose Bernardo təxminən 18-19 yaşlarından narkotikə qurşanıb. Daha çox yüngül narkotik vasitələrdən istifadə edib".