Xilasedicilər Bakıda intihara cəhdin qarşısını belə aldılar - VİDEO

Bu gün günorta saatlarında Bakı şəhərinin Xətai rayonu ərazisində 1 nəfər kişi işıqlandırma dirəyinə çıxaraq intihar etmək istəyini nümayiş etdirib.

Bu barədə BAKU.WS-ə FHN-dən bildirilib.

Ərazidən keçən vətəndaşlar dərhal Fövqəladə Hallar Nazirliyinin "112" qaynar telefon xəttinə məlumat veriblər.

Qısa müddət sonra əraziyə Bakı Regional Mərkəzinin xilasediciləri cəlb olunub.

Xilasedicilər zəruri təhlükəsizlik tədbirləri görməklə vətəndaşla psixoloji söhbət aparıb və onu intihara cəhd fikrindən daşındırıblar.