Xalq artisti 20 Yanvar faciəsindən yazdı: "Həmin gecə nə qədər yaralı gətirirdilər xəstəxanaya!"

Xalq artisti Mələykə Əsədova 20 Yanvar faciəsi günü yaşadıqlarından yazıb.

BAKU.WS xəbər verir ki, aktrisa həmin gün Bakıda 4 saylı xəstəxanada olub. Əsədova dəhşətli qətliamı belə xatırlayıb:

"1990-cı il o gün, 20 yanvar qaranlıq, qara buludlu qanlı yanvar gecəsi! Silah səsləri, insanların fəryadı, göz yaşları indi də qulaqlarımdadı. Bakının üzərini almış qara buludlu gecədə 4 nömrəli xəstəxanada yatırdım, o gecə nə qədər yaralılar gətirirdilər xəstəxanaya!"

Sənətçi həmçinin 20 Yanvar şəhidləri üçün oxuduğu şeiri video formatında sosial şəbəkə izləyiciləri ilə bölüşüb.