Vətən müharibəsi qazisi dəhşətli qəzada həyatını itirdi

Vətən müharibəsi iştirakçısı, qazi Haxoy Hacıyev avtomobil qəzasında həlak olub.

BAKU.WS "Qafqazinfo"ya istinadən xəbər verir ki, hadisə Göygöl rayonunun Çaykənd kəndi ərazisində qeydə alınıb.

"Niva" markalı avtomobilin aşması nəticəsində 1997-ci il təvəllüdlü Haxoy Əlaslan oğlu Hacıyev hadisə yerində dünyasını dəyişib.

Qeyd edək ki, H.Hacıyev Cəbrayıl və Qubadlı istiqamətində gedən döyüşlərdə iştirak edib və "Vətən uğrunda", Qubadlı və Cəbrayılın azad olunmasına görə medalları ilə təltif olunmuşdu.