Ukraynada öldürülən azərbaycanlılar sabah dəfn olunacaqlar - FOTO

Fevral ayının 27-i Ukraynadan Moldovaya keçmək istəyən zaman qətlə yetirilən soydaşlarımızın nəşi Vətənə gətirilib və sabah Göygöl rayonunda dəfn olunacaq.

Bu barədə BAKU.WS-in yerli bürosuna dünyasını dəyişən şəxslərin qardaşı Qaçay İsmayılova məlumat verib.

"Yaxınlarımızın nəşi artıq Azərbaycana gətirilib. Sabah səhər saatlarında Gəncəyə çatacaq və Göygöl rayonunda Murovdağ qəbirstanlığında dəfn edəcəyik", - deyə Q.İsmayılov bildirib.

Xatırladaq ki, 27-i ferval tarixində qohumluq əlaqələri olan 40 nəfərdən artıq 8 avtomobilddən ibarət həmyerlilərimiz Odessa vilayətindən Moldova istiqamətində şəxsi təşəbbüsləri ilə təxliyyəyə çalışan zaman Kuçurqan sərhəd keçid məntəqəsində naməlum şəxslərin silahlı hücumuna məruz qalıb. İsmayılov Rəhim Əli oğlu, onun qardaşı Nemət İsmayılov və Azər İsmayılov dünyasını hadisə yerində, 25 yaşlı Camal Salmanov isə xəstəxanada dünyasını dəyişib. Həmin şəxslər əslən Kəlbəcər rayonundandır və Gəncə şəhərində məskunlaşıblar.

Qalereya