Ukraynada hərbi hissədə dəhşət - 5 ölü, 5 yaralı - VİDEO

Ukraynanın Dnepr şəhərində yerləşən hərbi hissələrin birində hərbi qulluqçu Artemiy Ryabçuk xidmət yoldaşlarına atəş açıb.

BAKU.WS xəbər verir ki, bu barədə Ukrayna Daxili İşlər Nazirliyi məlumat yayıb.

Hadisə yanvarın 27-də yerli vaxtla səhər 03:00 radələrində baş verib. Nəticədə 1-i qadın olmaqla 5 nəfər ölüb, 5-i isə yaralanıb.

20 yaşlı A.Ryabçuk orduda müddətdən artıq həqiqi xidmət hərbi qulluqçu kimi xidmət edirmiş.

Məlumata görə, hadisə zamanı otaqda ümumilikdə 22-yə yaxın hərbçi olub. Hadisənin baş vermə səbəbləri məlum deyil.