Ucarda yanğın zamanı iki avtomobil yandı

Ucarda baş verən yanğında iki avtomobil yanıb.

Fövqəladə Hallar Nazirliyindən BAKU.WS-ə verilən məlumata görə, Ucar rayonunda ümumi sahəsi 150 kvadratmetr olan talvarın yanar konstruksiyaları, orada olan “Mercedes” markalı minik avtomobilinin yük hissəsi, “Hyundai” markalı minik avtomobilinin yanar hissələri, 33 ədəd məişət avadanlığı (paltaryuyan maşın və soyuducu), mebel dəsti, iki kvadratmetr taxta və 500 kq buğda yanıb.

Avtomobilin qalan hissəsi və bitişik ev yanğından mühafizə olunub.

Yanğın yanğından mühafizə bölmələri tərəfindən söndürülüb.