Travmatologiyaya üz tutan sakinin dadına sonda FHN çatdı

Dəmir halqanın sıxması nəticəsində sağ əlinin dördüncü barmağı şişmiş vətəndaşın xilas edilməsi üçün həkimlər Fövqəladə Hallar Nazirliyinə müraciət ediblər. 

BAKU.WS xəbər verir ki, barmağının şişməsinə səbəb olan dəmir halqanı çıxartdırmaq istəyən vətəndaş əvvəlcə, Travmatologiya və Ortopediya İnstitutuna müraciət edib.  

Lakin xəstəxanada halqanın çıxarılması mümkün olmayıb və FHN-in xilasedicilərindən yardım istəməli olublar.

FHN Xüsusi Riskli Xilasetmə Xidmətinin xilasediciləri dərhal xəstəxanaya gəlib və təhlükəsizlik qaydalarına riayət olunmaqla, xəstəxananın həkimlərinin nəzarəti altında müvafiq alətdən istifadə edərək halqanı kəsərək zərərçəkmişin barmağından çıxarıblar.