Tanınmış meyxanaçı Xəyyam Əhmədli vəfat etdi

Uzun müddətdir xəstəlikdən əziyyət çəkən meyxanaçı Xəyyam Əhmədli vəfat edib.

BAKU.WS "Qafqazinfo"ya istinadən xəbər verir ki, o, evində dünyasını dəyişib.

Məlumatı onun sənət yoldaşları təsdiq ediblər.

Qeyd edək ki, tanınmış meyxanaçı 1980-ci ildə Bakıda anadan olub. O, 2023-cü ildə insult keçirmişdi və ağır ürək problemi yaranmışdı. Xəyyam Əhmədli Azərbaycan ordusunun zabiti Ramil Səfərova Macarıstanda həbsdə olarkən həsr etdiyi "Hələ oğlun salamatdır" adlı meyxanası ilə məşhurlaşmışdı.