İsmayıllıda torpaq sürüşməsi olub, bir neçə fərdi yaşayış evi təhlükəli vəziyyətlə üzləşib - FOTO
İsmayıllının Qoydan kəndində torpaq sürüşməsi olub.
BAKU.WS report-a istinadən xəbər verir ki, torpaq sürüşməsi nəticəsində bir neçə fərdi yaşayış evi təhlükəli vəziyyətlə üzləşib.
Buna səbəb son zamanlar Şimal-qərb bölgəsində aramsız yağan yağışların sürüşmə zolaqlarını aktivləşdirməsi olub. Leysandan əsasən dağətəyi ərazilərdə olan evlər zərər çəkib.
Sakinlərin sözlərinə görə, torpaq sürüşməsi bir-iki gün davam etsə, kənddə yaşamaq mumkün olmayacaq. Bundan başqa, dağlardan sel suları ilə gələn gil qatı həyətyanı sahələrdə də bir sıra çətinliklər yaradıb.
Məsələ ilə bağlı Qoydan kənd icra nümayəndəsi Vüqar Bəşirov bildirib ki, aidiyyəti qurumların nümayəndələri əraziyə baxış keçiriblər:
“Şəkillər çəkilib, koordinatlar götürülüb. Layihə smeta sənədlərinin hazırlanması işləri davam etdirilir. Yaxın gələcəkdə həmin ərazidə yaşayan insanların təlukəsizliyinin qorunması ücün lazımı addımlar atılacaq".
Qalereya
Oxşar xəbərlər
Astarada sürüşmə aktivləşdi, bir neçə ev üçün təhlükəli vəziyyət yarandı
Güclü yağışlar Astarada sürüşmə zonalarını aktivləşdirib. BAKU.WS APA-ya istinadən xəbər verir ki, rayonun Şiyəkəran kəndində, "Məscid məhəllə" deyilən ərazid...