FHN-dən Şəmkirdəki partlayışla bağlı RƏSMİ AÇIQLAMA - YENİLƏNİB - VİDEO

Fövqəladə Hallar Nazirliyi Şəmkir rayonunun Çaparlı kəndi ərazisində mənzildə baş verən partlayışla bağlı məlumat yayıb.

Məlumatda deyilir ki, hər mərtəbəsi 120kv.m olmaqla ümumi sahəsi 240kv.m olan ikimərtəbəli fərdi yaşayış evində, ilkin ehtimala görə, qaz sızması nəticəsində yanğınla nəticələnməyən partlayış baş verib.

Hadisə nəticəsində partlayış dalğasının təsirindən ev ciddi ziyan dəyib və 3 nəfər xəsarət alıb.

FHN əməkdaşları tərəfindən ərazidə müvafiq təhlükəsizlik tədbirləri görülüb.

Hadisə ilə əlaqədar aidiyyəti qurumlar tərəfindən araşdırma aparılır.

***11:40

Şəmkir rayon Çaparlı kəndində qazsıması nəticəsində partlayış olub, xəsarət alanlar var.

Hadisə nəticəsində 2001-ci il təvəllüdlü Azadə Mərdanova, 1985-ci il təvəllüdlü Azadə Mərdanova və 1 yaşlı uşaq xəsarət alıb.

Xəsarət alanlar xəstəxanaya çatdırılıb. Onların vəziyyətləri kafi və orta-ağır qiymətləndirilir.

Faktla bağlı araşdırma aparılır.//report

Qalereya