Sevdiyi qız gül buketini qəbul etmədi, özünü binadan atmaq istədi

Gəncədə sevdiyi qızdan rədd cavabı alan 22 yaşlı oğlan intihara cəhd edib.

BAKU.WS qafqazinfo-ya istinadən xəbər verir ki, hadisə ötən gün şəhər ərazisində qeydə alınıb.

Dünən axşam saatlarında 2001-ci il təvəllüdlü Şəmkir sakini E.Q. Gəncədə inşa edilən binalardan birinin 3-cü mərtəbəsinə çıxaraq özünü aşağı atmaq istəyib. Ərazidə xidmətdə olan polis əməkdaşları tərəfindən cəhdin qarşısı alınıb.

Polis şöbəsinə gətirilən E.Q.-dan intihara cəhdinin səbəbi soruşulub. O isə cavabında bildirib ki, 8 Mart bayramı münasibətilə sevdiyi qıza gül buketi alıb. Lakin qız buketi qəbul etməyib. Gənc oğlan bundan təsirlənərək özünü öldürmək istəyib.