Sərnişinin maşında unutduğu mobil telefonu satan taksi sürücüsü saxlanıldı
Paytaxtın Qaradağ rayonu Lökbatan qəsəbəsində bir nəfər polisə məlumat verərək sərnişin kimi istifadə etdiyi taksidə unutduğu mobil telefonunun sürücü tərəfindən ələ keçirildiyini bildirib.
BAKU.WS-in məlumatına görə, araşdırmalarla məlum olub ki, taksi sürücüsü müştərinin telefonunu sahibinə qaytarmaq əvəzinə dəyər-dəyməzinə satıb.
Polis əməkdaşları tərəfindən sürücü 35 yaşlı E.Hüseynli müəyyən olunaraq saxlanılıb.
Rayonun Müşfiqabad qəsəbəsində yerləşən mənzillərin birindən isə pul və qızıl-zinət əşyalarının oğurlanması barədə polisə məlumat daxil olub. Həyata keçirilən tədbirlərlə əməli törətməkdə şübhəli bilinən 27 yaşlı A.Səfərov da müəyyən olunaraq saxlanılıb.
Faktlarla bağlı araşdırma aparılır.
Oxşar xəbərlər
Azərbaycanlı qadınları cinsi istismara məruz qoymaqda təqsirləndirilən iki nəfər həbs edilib
Daxili İşlər Nazirliyinin İnsan Alverinə qarşı Mübarizə Baş İdarəsi tərəfindən həyata keçirilən tədbirlərlə insan alverində təqsirləndirilən 28 yaşlı E.Q və 27...