Şəmkirdə yeniyetmə Kürdə boğulma təhlükəsi ilə üzləşib, vəziyyəti ağırdır

Şəmkirdə yeniyetmə Kür çayında boğulma təhlükəsi ilə üzləşib.

BAKU.WS APA-ya istinadən xəbər verir ki, hadisə Kür çayının Şəmkir rayonu ərazisindən keçən hissəsində qeydə alınıb.

Gədəbəy rayon sakini, 2010-cu il təvəllüdlü C.Tağlı atası ilə birlikdə Kür çayında çimən zaman suda batıb. Yeniyetmə ətrafdakı şəxslərin köməyi ilə sudan çıxarılaraq xəstəxanaya çatdırılıb. C.Tağlının vəziyyətinin ağır olduğu bildirilir.

Məlumata görə, 16 yaşlı yeniyetmə atası ilə birlikdə istirahət məqsədilə Kür çayının sahilinə gəlibmiş.

Hadisə yerinə aidiyyəti qurumların əməkdaşları cəlb olunub.

Faktla bağlı araşdırma aparılır.