Sel suları Astarada kəndlərin yolunu yudu

Ötən axşamdan cənub bölgəsində başlayan intensiv yağışlar Astara rayonunun ucqar dağ kənd yollarında daşqınlara səbəb olub.

BAKU.WS "Qafqazinfo"ya istinadən xəbər verir ki, leysan yağışı rayonunun əsasən dağ kəndləri olan Ojəkəran və Tüləgivan kəndlərində müşahidə olunub.

Belə ki, dağlardan gələn sel suları bu kəndlərin yollarını yuyub.

Kənd sakinlərinin sözlərinə görə, hazırda kəndlərdə leysan yağış qismən səngiyib.