Şəkidə 11 yaşlı uşağın ölüm SƏBƏBİ AÇIQLANDI

Şəki rayonunda 11 yaşlı yeniyetmənin ölümünün ilkin səbəbi açıqlanıb.

BAKU.WS-in sorğusuna cavab olaraq TƏBİB-dən bildirilib ki, 2014-cü il təvəllüdlü şəxsə kəskin ürək çatışmazlığı və assit (qarın boşluğunda mayenin yığılması) diaqnozu təyin olunub.

Göstərilən zəruri tibbi yardımlara və həkimlərin çoxsaylı müdaxilələrinə baxmayaraq, ölüm faktı qeydə alınıb.

***11:43

Şəkidə 11 yaşlı uşaq qəfil ölüb.

BAKU.WS oxu.az-a istinadən xəbər verir ki, hadisə rayonun Cumakənd kəndində baş verib.

Kənd sakini, 2014-cü il təvəllüdlü Rüzgar Ağabalayevin qəfil halı pisləşib. O, xəstəxanaya çatdırılsa da, həyatını xilas etmək mümkün olmayıb. R.Ağabalayev ürək çatışmazlığından xəstəxanada vəfat edib.

Faktla bağlı araşdırma aparılır.