Sahibsiz itlər həyətdə oynayan uşaqlara hücum çəkdilər - İki uşaq ağır xəsarətlər alıb - FOTO

Abşeron Rayonu Masazır qəsəbəsində sahibsiz itlər uşaqlara hücum edib.

Sakinlərin BAKU.WS-ə verdikləri məlumata görə, hadisə Qurtuluş 93 Yaşayış Kompleksində baş verib.

Uşaqlar həyətdə oynayarkən bir sürü it onlara hücum çəkib. Qonşuların köməkliyi sayəsində uşaqları xilas etmək mümkün olub.

Lakin itlərin hücumu fəsadsız ötüşməyib. Həyətdə oynayan 3 yaşlı Əkbər və 5 yaşlı Cəsur adlı iki uşaq itlərin hücumu nəticəsində ağır xəsarətlər alıblar. Hazırda uşaqlar 1 saylı şəhər klinik xəstəxanasına yerləşdiriliblər.

Uşaqlardan birinin vəziyyəti nisbətən ağır, digərinin vəziyyəti isə qənaətbəxş qiymətləndirilib.