Qəzaya düşən Əməkdar artistin vəziyyəti ağırdır

Ötən gün qəzaya uğrayan Əməkdar artist Mehriban Xanlarovanın vəziyyəti pisləşib. BAKU.WS Qaynarinfo-ya istinadən xəbər verir ki, aktrisanın vəziyyətinin ağır olduğu bildirilib."Keçirdiyi avtomobil qəzası nəticəsində Mehriban xanımın səhhətində ciddi problemlər yaranıb. Hal-hazırda vəziyyəti orta ağırdır. Dualarınıza ehtiyacı var", - deyə yaxınları əlavə edib.Qeyd edək ki, qəza Qaradağ rayonunun Səngəçal qəsəbəsində baş verib. Aktrisanın ayağı əzilib. Yaralılar Klinik Tibbi Mərkəzə gətiriliblər. Ötən gün aktrisanın vəziyyətinin yaxşı olduğu açıqlanmışdı.