Qəbələdə ticarət mərkəzində 12 obyekt yandı

Qəbələ rayonunun Vəndam qəsəbəsində yerləşən ticarət mərkəzində baş verən yanğın söndürülüb.

BAKU.WS APA-ya istinadən xəbər verir ki, hadisə yerinə qısa vaxtda gələn yanğınsöndürənlər alovun miqyasının genişlənməsinin qarşısını alıblar.

Ümumilikdə 12 obyekt - geyim əşyası mağazası, aptek və gözəllik salonu yanıb, 1000 kvadratmetr sahə yanğından mühafizə edilib, o cümlədən arxa tərəfdə yerləşən uşaq bağçasına yanğının keçməsinin qarşısı alınıb. Sahibkarlara dəyən ziyanın məbləği hesablanır.

Yanğının səbəbi araşdırılır.