Qarpızdan zəhərləndiyi deyilən Dəryanın ölüm səbəbi məlum oldu

"7 iyun 2025-ci il tarixində  20 yaşlı şəxs (qadın cinsli) qıcolma vəziyyətində Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya edilib". 

Bu barədə BAKU.WS-in sorğusuna cavab olaraq TƏBİB-in mətbuat xidmətindən bildirilib.

"Dərhal xəstəyə zəruri tibbi xidmətlər göstərilib, həkimlərin səylərinə baxmayaraq xəstənin həyatını xilas etmək mümkün olmayıb", - məlumatda qeyd olunub.

Xatırladaq ki, sosial şəbəkələrdə mərhum Dərya Ağayevanın qarpızdan zəhərlənərək öldüyü iddia edilirdi.