Piyadanı vuran sürücünün ürəyi partlayaraq öldü

Tovuzda avtomibillə piyadanı vuran sürücü hadisə yerində dünyasını dəyişib.

BAKU.WS-in bölgə müxbirinin verdiyi məlumata görə, hadisə rayonun Aşağı Quşçu kəndində qeydə alınıb.

Sürücü, Şəmkir rayon sakini 1988-ci il təvəllüdlü Röyal İmanov idarə etdiyi VAZ 21 07 markalı avtomobillə yolu keçmək istəyən piyadanı vurub və piyada hadisə yerində keçinib. Hadisədən sonra sürücünün halı pisləşib. Təcili yardım hadisə yerinə çatana qədər sürücü də keçinib. İlkin məlumata görə, sürücü ürək çatışmazlığından ölüb.

Hadisə yerinə hüquq mühafizə orqanı əməkdaşları cəlb olunub, təfərrüat dəqiqləşdirilir.