Oğuzda yol qəzası olub, ölən və xəsarət alanlar var

Oğuzda qəza zamanı xəsarət alan sürücülardən biri ölüb.

Bu barədə BAKU.WS-ə DİN-in Mətbuat Xidmətinin Şəki regional qrupundan bildirilib.

Sentyabrın 8-də saat 15 radələrində rayonun Bayan kəndi ərazisində "VAZ-2107" və "Mercedes" markalı avtomobillər toqquşub. Nəticədə "VAZ"ın sürücüsü, 37 yaşlı Əyyub Əyyubov aldığı xəsarətlərdən xəstəxanada ölüb, "Mercedes"in sürücüsü Turan Lətifov və 3 sərnişini xəsarət alıb.

Faktla bağlı cinayət işi başlanılıb.

***16:50

Oğuzda yol qəzasında xəsarət alanların şəxsiyyətləri məlum olub.

Bu barədə DİN-in Mətbuat Xidmətinin Şəki regional qrupundan BAKU.WS-ə bildirilib.

Bildirilib ki, sentyabrın 8-də saat 15 radələrində Oğuz rayonunun Bayan kəndi ərazisində Əyyub Əyyubovun idarə etdiyi "VAZ-2107" və Turan Lətifovun idarə etdiyi "Mercedes" markalı avtomobillər toqquşub. Nəticədə hər iki sürücü və "Mercedes"də olan sərnişinlər xəsarət alıb.

Hazırda araşdırma aparılır.

***16:15

Oğuz rayonunda bir neçə nəfərin xəsarət alması ilə nəticələnən yol qəzası baş verib.

BAKU.WS "Report"a istinadən xəbər verir ki, hadisə Oğuz-Bayan avtomobil yolunun şəhər ərazisindən keçən hissəsində qeydə alınıb.

İlkin məlumata görə, "VAZ-2107" və "Mercedes" markalı avtomobillərin toqquşması nəticəsində 4 nəfər xəsarət alıb.

Yaralılar ilk öncə Oğuz Rayon Mərkəzi Xəstəxanasına, sonra isə Şəki Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.