Odlu silahdan yaralanan çoban öldü

Hacıqabul sakini ov tüfəngindən açılan atəş nəticəsində vəfat edib.

BAKU.WS qafqazinfo-ya istinadən xəbər verir ki, hadisə rayonun Udulu kəndində qeydə alınıb.

Belə ki, 1995-ci il təvəllüdlü İxtiyar Səmədovun meyiti yaşadığı evdə aşkar edilib.

İlkin məlumata görə, adıçəkilən şəxs ov tüfəngindən aldığı xəsarət nəticəsində vəfat edib. Onun çoban olduğu bildirilir. Hadisə yerinə polis və prokurorluq orqanı əməkdaşları cəlb olunub.

Faktla bağlı Hacıqabul Rayon Prokurorluğunda araşdırma başlanılıb.