"Nənəmin təndiri" çörək emalı müəssisəsində nöqsanlar aşkarlandı

Şəmkir şəhəri, 20 Yanvar küçəsində fəaliyyət göstərən "Nənəmin təndiri" çörək emalı müəssisəsində yoxlama keçirilib.

BAKU.WS xəbər verir ki, bu barədə Azərbaycan Qida Təhlükəsizliyi Agentliyi məlumat yayıb.

Bildirilib ki, istehsal müəssisəsində sanitariya norma və qaydalarına riayət edilmir, texniki normativ hüquqi aktların tələbləri pozulub.

Baxış zamanı müşayiətedici sənədləri olmayan toyuq əti və yararlılıq müddəti qeyd edilməyən toyuq farşı aşkarlanıb.

Müəssisənin fəaliyyəti məhdudlaşdırılıb, sahibkarı barəsində inzibati protokol tərtib olunub.

Qalereya