Nazilə Səfərli ilə Xoşqədəm Hidayətqızı arasında gərginlik sona çatdı

Şairə Nazilə Səfərli ilə aparıcı Xoşqədəm Hidayətqızı arasında davam edən gərginlik sona çatıb.

BAKU.WS “bakupost.az”a istinadən xəbər verir ki, X.Hidayətqızının şikayəti əsasında Nizami rayon Polis İdarəsi tərəfindən axtarışda olan Səfərli bu gün saxlanılıb.

N.Səfərli məhkəmə qərarına uyğun olaraq 500 manat məbləğində cərimə olunub və bununla da onun üzərindən axtarış tədbirləri götürülüb.

Qeyd edək ki, bir müddət əvvəl şairə bəzi saytlarda "Ərim keçmişdə Xoşqədəmi yox, məni seçdiyi üçün", eyni zamanda şəxsi “Instagram” hesabında Xoşqədəm Hidayətqızının efirdə dediyi fikirləri təhrif edərək "Xoşqədəm dövlətin əleyhinə gedir", "Xoşqədəmin sözündən belə çıxır ki, hamının arvadı boşanıb varlı kişi axtarmalıdır", "Xoşqədəm verilişin adını dəyişib "axırıncı yol" qoysun" başlıqlı açıqlamalar verib.