"Megacity"nin ərazisində GÜCLÜ YANĞIN - VİDEO

Bakı şəhərinin Yasamal rayonunda ümumi sahəsi 60 m² olan transformator otağının dam örtüyünün taxta atmaları 20 m² sahədə, içərisində olan transformatorun yanar hissələri və giriş-çıxış kabelləri 5 p.m yanıb.

Bu barədə Fövqəladə Hallar Nazirliyi (FHN) məlumat yayıb.

Bildirilir ki, otağın qalan hissəsi, içərisində olan digər transformator və yaxınlıqda olan tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

BAKU.WS-in əldə etdiyi məlumata görə, yanğın hadisəsi Zahid Xəlilov küçəsində yerləşən "Megacity" yaşayış kompleksinin ərazisində qeydə alınıb.