Maşın dərəyə aşdı - yaralılar var

Şamaxı-Pirqulu avtomobil yolunun Məlhəm kəndindən keçən hissəsində yol-nəqliyyat hadisəsi baş verib.

İlkin məlumata görə, hərəkətdə olan minik avtomobili sürücüsünün idarəetməni itirməsi nəticəsində maşın yoldan çıxaraq dərəyə aşıb.

BAKU.WS Modern.az-a istinadən xəbər verir ki, hadisə yerinə cəlb olunan xilasedicilərin köməyilə avtomobildə sıxılmış vəziyyətdə qalan şəxsləri çıxarıblar.

Qəza nəticəsində müxtəlif dərəcəli bədən xəsarətləri alan üç nəfər Şamaxı Rayon Mərkəzi Xəstəxanasına çatdırılıb.

Faktla bağlı araşdırma aparılır.