Laçınlı tələbə Naxçıvanda dəm qazından boğularaq ölüb

Laçın rayonundan olan tələbə Naxçıvanda dəm qazından boğularaq ölüb.

"Report"un yerli bürosu xəbər verir ki, hadisə Naxçıvan şəhəri 28 may küçəsində baş verib.

Laçın rayon sakini, 2003-cü il təvəllüdlü Verdiyev Toğrul Vidadi oğlu kirayə yaşadığı evdə dəm qazından zəhərlənərək ölüb.

Qeyd edək ki, o, Naxçıvan Müəllimlər İnstitutunun 1-ci kurs magist tələbəsi idi.

Faktla bağlı araşdırma aparılır.