Kiyevin atəşə tutulması nəticəsində 1 nəfər ölüb

Bu gün səhər saatlarında Ukraynanın paytaxtı Kiyevin Darnitsa rayonunun Rusiya qüvvələri tərəfindən atəşə tutulması nəticəsində bir nəfər həlak olub.

BAKU.WS UNİAN informasiya agentliyinə istinadla xəbər verir ki, bu barədə Kiyev meri Vitali Kliçko ümum-Ukrayna telemarafonunun efirində bildirib.

Onun sözlərinə görə, bir neçə nəfər yaralanaraq xəstəxanaya yerləşdirilib.

Bundan başqa Kliçko xatırladıb ki, əvvəllər Rusiya tərəfdən Kiyevin atəşə tutulacağı ilə bağlı təhdidlər olub.

“Sirr deyil ki, srağagün və ya dünən Rusiya generallarından biri çıxış edərək mühüm obyektlərə və şəhərlərə hücumların olacağını deyib, həmçinin Kiyevə hücumların olacağını istisna etməyib. Bu gün səhər biz bu vədləri öz üzərimizdə hiss etdik." - deyə mer bildirib.