İki avtomobil toqquşdu, yolu süpürən öldü

Gəncədə yol nəqliyyat hadisəsi zamanı Təmizlik İdarəsinin əməkdaşı dünyasını dəyişib.

BAKU.WS-in bölgə müxbirinin verdiyi məlumata əsasən, hadisə şəhərin Əziz Əliyev küçəsində qeydə alınıb. "Wolsvagen Tuarek" markalı avtomobillə "Toyota Corolla" avtomobili toqquşub.

Hadisə nəticəsində avtomobillərdən biri ərazidə küçə süpürən şəhər Təmizlik İdarəsinin əməkdaşını vurub. Yaralı hadisə yerindəcə keçinib.

Hadisə yerinə Gəncə şəhər Dövlət Yol Polisi əməkdaşları cəlb olunub. Qəzanın təfərrüatları dəqiqləşdirilir.