Keçmiş məhkum narkotiklə tutuldu

Gəncədə keçmiş məhkumun üzərindən narkotik çıxıb. BAKU.WS-in bölgə müxbirinin verdiyi məlumata görə, Nizami Rayon Polis İdarəsinin əməkdaşları tərəfindən həyata keçirilən tədbirlər nəticəsində 1996-cı il təvəllüdlü Ahəngah İsa Rövşən oğlu şəhər ərazisində saxlanılaraq polis idarəsinə gətirilib. Onun üzərinə baxış keçirilərkən 0.738 qram narkotik maddə olan "Metamfetamin" aşkar edilərək götürülüb. Hazırda həmin şəxs barəsində araşdırma başlanılıb.