Kazanda 11 nəfərin yaralandığı qəza yerindən görüntülər yayılıb

Kazanda avtomobil və avtobusun iştirakı ilə baş verən qəzanın yeni görüntüləri yayılıb.

BAKU.WS Rusiya KİV-ə istinadən xəbər verir ki, görüntülərdə xərəkdə uzanan insanlar, təcili yardım işçiləri və yanğınsöndürmə xidməti maşını görünür. Hüquq-mühafizə orqanları da hadisə yerindədir.

İlkin məlumatlara görə, minik avtomobili avtobus dayanacağına çırpılaraq avtobusa dəyib.

Tatarıstan Səhiyyə Nazirliyinin məlumatına görə, qəza nəticəsində azı 11 nəfər, o cümlədən 12 yaşlı uşaq xəsarət alıb. Yaralılardan 9-u tibb müəssisəsinə aparılıb.