İstanbul-Bakı aviareysi ilə gələn Azərbaycan vətəndaşından 682 qram olan qızıl aşkarlanıb

İstanbul-Bakı aviareysi ilə gələn Azərbaycan vətəndaşından gömrük orqanlarına bəyan edilməyən, çəkisi 682 qram olan qızıl-zinət əşyaları və zərgərlik məmulatları, ona məxsus çamadandan isə 228 ədəd diş implantı hissələri aşkarlanıb.

BAKU.WS bu barədə Dövlət Gömrük Komitəsinə istinadən xəbər verir.

Beləliklə, Hava Nəqliyyatında Baş Gömrük İdarəsinin əməkdaşları tərəfindən həyata keçirilən tədbirlər nəticəsində qızıl-zinət əşyalarının və diş implantı hissələrinin qanunsuz yolla ölkə ərazisinə gətirilməsinin qarşısı alınıb.