"İnevestAz"ın rəhbəriyəm" dedi, balıq satan qadının pullarını ələ keçirdi

Bakıda özünü "İnevestAz" şirkətinin rəhbəri kimi təqdim edib balıq satan qadının 16 min dollarını mənimsəyən şəxs həbs edilib.

BAKU.WS "Qaynarinfo"ya istinadla xəbər verir ki, 1981-ci ildə Bakı şəhərində anadan olmuş, ali təhsilli Rövşən Məmmədova (soyad şərti) Cinayət Məcəlləsinin 178.2.4-cü maddəsi ilə cinayət işi açılıb və məhkəmədə baxılıb.

Məlum olub ki, Rövşən 2022-ci ilin avqust ayının 3-də Bakıda mağazalardan birində balıq satan Sevil adlı qadının 16 min dollarını alaraq, ona qarşı dələduzluq edib. Belə ki, təqsirləndirilən şəxs özünü Sevilə "İnvestAz" şirkətinin rəhbəri kimi təqdim edib, birjada kampaniya olduğunu deyib və hər 1000 ABŞ dollarına 100 ABŞ dolları qazanc əldə edəcəyinə inandırıb. Ondan 27 200 manat (16 min dollar) pul alaraq, hər ay zərərçəkmiş qadına 1600 dollar qazanc verəcəyini deyib.

Məhkəmənin qərarı ilə təqsirləndirilən şəxs 7 il 8 ay müddətinə azadlıqdan məhrum edilib.