İki il əvvəl əlil qadını öldürməkdə şübhəli bilinən şəxs saxlanılıb

Xaçmazda iki il əvvəl görmə qabiliyyəti məhdud olan qadını öldürən şəxsin kimliyi məlum olub.

BAKU.WS report-a istinadən xəbər verir ki, ötən gün Xaçmaz rayonunda iki il əvvəl baş verən cinayətin üstü açılıb.

2023-cü ilin iyul ayında Xaçmaz rayon sakini, 59 yaşlı gözdən əlil Gülxar Cahangirovanın rayonun Xaspolad-oba kənd sakini Rəhmətov Xəqani Vahid oğlu tərəfindən öldürülərək Xaspoladoba kəndi yaxınlığında meşədə başdırıldığı müəyyənləşib.

Hadisəni törədən taksi sürücüsü X.Rəhmətov polis tərəfindən saxlanılıb.

Faktla bağlı cinayət işi açılıb, istintaq araşdırmaları aparılır.