Gəncədə qətlə yetirilən 25 yaşlı gəncin yaxınları: "Qarabağ qazisi idi"

Gəncə şəhərində 25 yaşlı gənc bıçaqlanaraq qətlə yetirilib. Röyal Məmmədov tanışı ilə mübahisə edərkən ağır bıçaq xəsarətləri alıb və dünyasını dəyişib.

Mərhumun yaxınları hadisə və onun şəxsiyyəti barədə bunları bildiriblər:

"O, Qarabağ qazisi idi. Hadisə digər küçədə baş verib".

Digər bir yaxını isə mərhumla bağlı bunları əlavə edib: "Hadisə evimizdən iki qapı aşağıda baş verib. Röyal davakar uşaq deyildi, heç bir pis vərdişi olmayıb. Özü həm də veteran idi".

Faktla bağlı Gəncə şəhər Prokurorluğunda ibtidai istintaq davam etdirilir.