Gəncədə güclü külək uşaq bağçasının dam örtüyünü uçurub

Güclü külək nəticəsində Gəncə şəhər 46 saylı körpələr evi-uşaq bağçasının dam örtüyü uçub.

BAKU.WS report-a istinadən xəbər verir ki, hadisə zamanı xəsarət alan olmayıb.

Güclü külək səbəbindən, həmçinin şəhərin müxtəlif ərazilərində fərdi yaşayış evlərinin də dam örtüyü uçub, evlərə zərər dəyib. Eyni zamanda, bir neçə irigövdəli ağac aşıb.

Küləyin yaratdığı fəsadların aradan qaldırılması istiqamətində aidiyyəti qurumların əməkdaşları tərəfindən işlər davam etdirilir.