Gəncədə avtoqəza olub, bir ailənin üç üzvü xəsarət alıb

Gəncədə baş verən avtoqəzada 3 nəfər (2 qadın, 1 kişi) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

BAKU.WS report-a istinadən xəbər verir ki, bu barədə TƏBİB-dən bildirilib.

Bildirilib ki, müxtəlif bədən xəsarətləri alan pasiyentlərə zəruri tibbi xidmətlər göstərilib. Vəziyyətləri stabil qiymətləndirilən şəxslər ambulator müalicə üçün evə buraxılıblar.

*** 13:15

Gəncədə yol-nəqliyyat hadisəsi baş verib.

BAKU.WS report-a istinadən xəbər verir ki, iki avtomobilin toqquşması nəticəsində bir ailənin üç üzvü - 1970-ci il təvəllüdlü E.Quliyev, 1979-cu il təvəllüdlü R.Quliyeva və 2001-ci il təvəllüdlü L.Quliyeva xəsarət alıblar. Onlar xəstəxanaya yerləşdirilib.

Faktla bağlı araşdırma aparılır.