Gədəbəydə yeddiotaqlı ev yanıb

Gədəbəy rayonunun Novosaratovka kəndində yanğın hadisəsi baş verib.

Fövqəladə Hallar Nazirliyindən (FHN) verilən məlumata görə, ümumi sahəsi 240 kvadratmetr olan ikimərtəbəli, yeddiotaqlı evin, sahəsi 300 kvadratmetr olan tövlənin yanar konstruksiyaları, tövlənin damına yığılan altı ton ot bağlaması və bitişik ümumi sahəsi 400 kvadratmetr olan ikimərtəbəli, 10 otaqlı evin ikinci mərtəbəsində 2 otağın tavanı (25 m²) və dam örtüyünün yanar konstruksiyaları (50 m²) yanıb.

Evlərin qalan hissəsi və yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.