Fransada azərbaycanlı qətlə yetirildi

Fransanın Lil şəhərinin yaxınlığında yerləşən Vilnev-d'Ask məntəqəsində azərbaycanlı Adil Rəsulovun qətlə yetirilməsində şübhəli bilinən 50 yaşlı kişi saxlanılıb.

BAKU.WS virtualaz.org-a istinadən xəbər verir ki, 43 yaşlı Adil Rəsulov boyun nahiyəsindən bıçaqlanıb. Hadisə Fransanın şimal-şərqindəki Lüksey-Lü-Ben şəhərində ötən cümə günü baş verib.

Azərbaycanlının restoranda işlədiyi bildirilir. O, xəstəxanaya aparılarkən dünyasını dəyişib.

Bəzi mənbələrə görə, qətlə səbəb ödənilməmiş borc olub. Daha öncə Adil Rəsulovun türkiyəlilər tərəfindən öldürüldüyü iddia edilirdi.

BAKU.WS