"Əsas problem əlaqənin kəsilməsidir" - Su basan kəndin sakinləri danışdılar

İsmayıllının Ərəgit kəndində son günlər aramsız yağan yağışlar nəticəsində sel baş verib. Çay yatağından çıxaraq kəndin böyük bir hissəsi ilə avtomobil əlaqəsini kəsib.

Kənd sakini Baku TV-yə hadisə ilə bağlı danışıb:

"Müəyyən təsərrüfatlara ziyan dəyib, amma əsas problem əlaqənin kəsilməsidir. Əgər bu hadisə bir daha təkrar olunarsa, kəndin aşağı hissəsinin su altında qalma təhlükəsi var. Çayın məcradan çıxması, su səviyyəsinin yüksəlməsi və körpünün suyu ötürə bilməməsi səbəbindən su kəndə yayıla bilər".