Dünyanın ən yaxşı pilotlarından biri Ukraynada döyüşdə həlak oldu

Dünyanın ən yaxşı qırıcı pilotlarından biri hesab olunan ukraynalı polkovnik Aleksandr Oksançenko Ukraynada davam edən hərbi əməliyyatlarda həyatını itirib.

BAKU.WS UNİAN-a istinadla xəbər verir ki, o, düşmən aviasiyasını öz üzərinə yönləndirdiyi zaman həlak olub.

Ukrayna Prezidenti Volodimir Zelenski polkovnik Oksançenkonu ölümündən sonra Ukrayna Qəhrəmanı adı ilə təltif edib.

Polkovnik hava şousunda - SIAF, "The Royal International Air Tattoo", "International Airshow-2017", "Czech International Air Fest"də qalibiyyətli uçuşlardan sonra məşhurlaşıb.

Qeyd olunur ki, Aleksandr Oksançenko uzun illər ərzində ən çətin uçuş elementlərini qüsursuz yerinə yetirən azsaylı pilotlardan biri olub.