Haqqımızda
Dəm qazından ölən tələbə yeni ailə qurubmuş - TƏFƏRRÜAT
Azərbaycanda zəhərlənərək ölən tələbə barədə bəzi detallar məlum olub.
"Unikal"ın məlumatına görə, Xaçmaz rayon sakini, 1999-cu il təvəllüdlü Balabacı Manafova ailəsi ilə birlikdə kirayədə yaşadığı mənzildə dəm qazından zəhərlənib. O, ağır vəziyyətdə Xaçmaz Rayon Mərkəzi Xəstəxanasına çatdırılıb. Tibbi yardım göstərildikdən sonra paytaxtdakı Toksikologiya mərkəzinə aparılıb.
Göstərilən tibbi müdaxilələrə baxmayaraq, B.Manafova vəfat edib.
Əslən Xaçmaz rayonunun Çinartala kəndindən olan Balabacı Manafova bir ay öncə ailə həyatı qurub.
Qeyd edək ki, Balabacı Manafova Azərbaycan Dövlət İqtisad Universitetinin Zaqatala filialının Turizm işinin təşkili ixtisası üzrə 5-ci kurs tələbəsi olub.
Faktla bağlı cinayət işi açılıb, istintaq araşdırmaları aparılır.
Oxşar xəbərlər
Azərbaycanlı gənc şair faciəli şəkildə ÖLDÜ
Azərbaycanlı gənc şair Rauf Ra vəfat edib. Bu barədə məlumat sosial şəbəkələrdə paylaşılıb. Bildirilib ki, o, dəm qazından boğularaq dünyasını dəyişib.
