Daşkəsənə güclü qar yağdı, işıqlar söndü - VİDEO

Daşkəsən rayonuna yağan güclü qar yağışı rayonda elektrik enerjisinin verilməsində problemlər yaradıb.

BAKU.WS-in bölgə müxbirinin verdiyi məlumata görə dünən axşam saat 22:00 radələrindən başlayaraq Daşkəsən rayonuna güclü qar yağıb.

Gecədən başlayaraq bu saatlaradək rayon mərkəzi və 49 yaşayış massivində elektrik enerjisinjn verilməsində fasilələr yaşanıb.

Rayon mərkəzinə müxtəlif vaxtlarda elektrik enerjisi verilsə də qısa müddət sonra yenidən sönüb.Kənd və qəsəbələrdə isə ümumiyyətlə elektrik enerjisi olmayıb.

Hazırda rayonu elektrik enerjisi ilə təmin edilməsi istiqamətində işlər davam etdirilir.

Qalereya