Daşkəsəndə qardaşların ikimərtəbəli evləri yandı - VİDEO

Daşkəsəndə iki ikimərtəbəli evdə yanğın baş verib.

“Qafqazinfo” xəbər verir ki, hadisə Daşkəsən şəhər Nizami küçəsində iki qardaş- Orxan İslamzadə və Xəqani Həsənova məxsus evlərdə olub.

Belə ki, ümumi sahəsi 265 kvadratmetr olan ikimərtəbəli səkkiz otaqlı evin ikinci mərtəbəsində iki otağın və dam örtüyünün yanar konstruksiyaları 50 kvadratmetr sahədə, sahəsi 260 kvadratmetr olan ikimərtəbəli altıotaqlı evin ikinci mərtəbəsində iki otağın tavanı 30 kvadratmetr sahədə və pəncərə çərçivələri qismən yanıb.

Hər iki evin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.