Cəlilabadda yol nəqliyyat hadisəsi baş verib, 4 nəfər xəsarət alıb

Cəlilabad rayonunda bir neçə nəfərin xəsarət alması ilə nəticələnən ağır yol qəzası baş verib.

BAKU.WS report-a istinadən xəbər verir ki, hadisə rayonun Əsədli kəndi ərazisində qeydə alınıb.

Belə ki, hərəkətdə olan "Toyota Prado" markalı minik avtomobili aşıb. Qəza nəticəsində 4 nəfərin xəsarət aldığı bildirilir.

Yaralılar Cəlilabad Rayon Mərkəzi Xəstəxanasına çatdırılıb. Avtomobildə azyaşlılarda olmaqla bir ailənin 7 üzvünün olduğu bildirilir.

Faktla bağlı araşdırma aparılır.