BNA avtobus qəzasının ilkin səbəbini açıqladı - VİDEO

Bakı Nəqliyyat Agentliyi (BNA) bir qədər əvvəl Xocahəsən qəsəbəsində baş verən qəzanın ilkin səbəbini açıqlayıb. "Bir qədər əvvəl Bakı-Sumqayıt yolunda 20 yanvar dairəsi istiqamətində 119 nömrəli müntəzəm marşrut xətti üzrə hərəkət edən "10-TG-174" DQN-lı avtobus qəzaya uğrayıb. Hadisə ilə bağlı məlumat daxil olan kimi Bakı Nəqliyyat Agnetliyinin əməkdaşları hadisə yerinə yollanıb", - deyə Agentliyin mətbuat xidmətinin rəhbəri Mais Ağayev bildirib. Onun sözlərinə görə, ilkin araşdırmalar nəticəsində və şahidlərin bildirdiyinə görə, hadisə minik avtomobilinin qəfildən avtobusun qarşısına çıxması səbəbindən baş verib: "Hadisənin dəqiq başvermə səbəbi müvafiq qurumların araşdırmasından sonra məlum olacaq". BAKU.WS